जनप्रतिसाद न्यूज नेटवर्क
(अनिल जोशी)
सांगलीत खाजगी क्षेत्रात लहान,मध्यम व मोठे उद्योजक,कारखाने व हॉस्पीटल यांना आवश्यक असणारे मनुष्यबळ उपलब्ध करून देण्यासाठी व बेरोजगारीची समस्या दूर करण्याच्या दृष्ट्रीकोनातून जिल्हा कौशल्य विकास रोजगार व उद्योजकता मार्गदर्शन केंद्रामार्फत जिल्हास्तरीय रोजगार मेळाव्याचे आयोजन दि.13 सप्टेंबर 2023 रोजी सकाळी 10 ते दुपारी 2 वाजेपर्यंत करण्यात आले आहे.अशी माहिती जिल्हा कौशल्य विकास,रोजगार व उद्योजकता मार्गदर्शन केंद्राचे सहायक आयुक्त ज.बा.करीम यांनी दिली.
रोजगार मेळाव्यामध्ये एकूण 3 खाजगी नामवंत कंपन्या सहभागी होणार असून यामध्ये 10 वी,12 वी,आयटीआय, डिप्लोमा,पदवी,पदवीधर,जी.एन.एम.ए.एन.एम. इत्यादी शैक्षणिक पात्रतेची एकूण 123 पदे भरण्यात येणार आहेत. पात्र उमेदवारांनी https://rojgar.mahaswayam.gov.in या वेबपोर्टलवर अर्ज करुनच प्रत्यक्ष मुलाखतीसाठी 13 सप्टेंबर रोजी सकाळी 10 ते 2 वेळेमध्ये जिल्हा कौशल्य विकास रोजगार व उद्योजकता मार्गदर्शन केंद्र, सांगली कार्यालयात प्रत्यक्ष उपस्थित राहून लाभ घ्यावा,असे आवाहन श्री.करीम यांनी केले आहे.
