जनप्रतिसाद न्यूज नेटवर्क
(अनिल जोशी)
सार्वजनिक गणेशोत्सव मंडळांना उत्कृष्ट सार्वजनिक गणेशोत्सव मंडळ पुरस्कारासाठी अर्ज करण्यास 15 सप्टेंबर 2023 पर्यंत मुदतवाढ देण्यात आली आहे,अशी माहिती जिल्हास्तरीय गणेशोत्सव पुरस्कार समितीच्या सदस्य सचिव तथा जिल्हा नियोजन अधिकारी सरीता यादव यांनी दिली.
राज्य शासनाने दि.19 सप्टेंबर 2023 पासून सुरू होणाऱ्या गणेशोत्सवात राज्यातील उत्कृष्ट सार्वजनिक गणेशोत्सव मंडळांना पुरस्कार देण्याचा निर्णय घेतला आहे.त्यानुसार धर्मादाय आयुक्त यांच्याकडे नोंदणी केलेल्या किंवा स्थानिक पोलिसांकडे अथवा स्थानिक स्वराज्य संस्था यांची परवानगी घेतलेल्या सार्वजनिक गणेशोत्सव मंडळांना शासनाकडून पुरस्कार देण्यासाठी स्पर्धा आयोजित केली आहे.स्पर्धेत भाग घेण्यास इच्छुक असलेल्या सार्वजनिक गणेशोत्सव मंडळांनी त्यांचे विहीत नमुन्यातील अर्ज पु. ल. देशपांडे महाराष्ट्र कला अकादमी मुंबई यांच्या mahotsav.plda@gmail.com या ईमेलवर 15 सप्टेंबर 2023 पर्यंत सादर करावेत,असे आवाहन जिल्हास्तरीय गणेशोत्सव पुरस्कार समितीच्या सदस्य सचिव तथा जिल्हा नियोजन अधिकारी सरीता यादव यांनी केले आहे.
