जनप्रतिसाद न्यूज नेटवर्क
(अनिल जोशी)
जालना येथे नुकतेच शांततेच्या मार्गाने आंदोलन करणार्‍या, उपोषणास बसलेल्या सकल मराठा समाजाच्या कार्यकर्त्यांवर पोलिसांनी लाठीमार केला.यात असंख्य कार्यकर्ते घायाळ झाले.याचा सकल हिंदू समाज तीव्र निषेध करत आहे.तरी लाठी आक्रमणाचा आदेश देणारे अधिकारी, राजकीय नेते यांची चौकशी होऊन त्यांच्यावर कठोर कारवाई व्हावी, या मागणीचे निवेदन सकल हिंदू समाजाच्या वतीने जिल्हा प्रशासनास देण्यात आले. हे निवेदन निवासी उपजिल्हाधिकारी संजय तेली यांनी स्वीकारले. सकल हिंदू समाज मराठा समाजाच्या या आंदोलनाविषयी सक्रिय सहभागी असून पूर्ण शक्तीनिशी सकल मराठा समाजाच्या मागे उभा आहे आणि राहील,असेही त्या निवेदनात नमूद करण्यात आले आहे.
याप्रसंगी हिंदू एकता आंदोलनाचे जिल्हाध्यक्ष दीपक देसाई,शहराध्यक्ष गजानन तोडकर, शिवसेना उपजिल्हाप्रमुख उदय भोसले, बजरंग दलाचे जिल्हा संयोजक पराग फडणीस, श्री शिवप्रतिष्ठान हिंदुस्थानचे जिल्हा कार्यवाह सुरेश यादव, शहर कार्यवाह आशिष लोखंडे, हिंदु महासभेचे जिल्हाध्यक्ष मनोहर सोरप, राजू तोरस्कर, सेवाव्रत प्रतिष्ठानचे संभाजी (बंडा) साळुंखे, हिंदु जनजागृती समितीचे शिवानंद स्वामी, भ्रष्टाचार विरोधी जनजागृती समितीचे प्रांत उपाध्यक्ष आनंदराव पवळ, युवासेनेचे भाऊ चौगुले,सुशील भांदिगरे, हिंदुत्वनिष्ठ आबा जाधव उपस्थित होते.
