जनप्रतिसाद न्यूज नेटवर्क.
(अनिल जोशी)
पुण्यातून आगामी लोकसभा निवडणुकीसाठी,महाराष्ट्र नवनिर्माण सेनेकडून लोकसभा निवडणुकीची तयारी सुरू करण्यात आली असून,महाराष्ट्र नवनिर्माण सेने कडून,पुणे लोकसभा मतदारसंघातून महाराष्ट्र नवनिर्माण सेनेचे शहराध्यक्ष साईनाथ बाबर यांनी निवडणूक लढवण्याची इच्छा व्यक्त केली आहे.यापूर्वी पुण्यातून वसंतराव मोरे यांनी,पुणे लोकसभा मतदारसंघातून निवडणूक लढवण्याची इच्छा व्यक्त केली होती.आगामी लोकसभा निवडणुकीच्या पार्श्वभूमीवर सर्वच राजकीय पक्षानी,पुणे लोकसभा मतदारसंघातून उमेदवारांची चाचपणी सुरू केली आहे.अशातच काही राजकीय पक्षांकडून सुद्धा निवडणुकीसंबंधी सर्व गणिते बांधण्यास सुरुवात झाली असून,महाराष्ट्र नवनिर्माण सेनेचे पक्षाचे अध्यक्ष राज ठाकरे यांच्याकडूनही,पुणे लोकसभा मतदारसंघातून निवडणुकीच्या उमेदवाराची चाचणी सुरू करण्यात आली आहे.
दरम्यान मी स्वतः पुणे लोकसभा मतदारसंघातून लढण्याची इच्छा व्यक्त केली असून,साहेबांनी निवडणुकीसंबंधी लढण्याचे सुतोवाच गेल्यानंतर,मी नक्कीच लढत देणार असल्याचे महाराष्ट्र नवनिर्माण सेनेचे शहराध्यक्ष साईनाथ बाबर यांनी म्हटले आहे.एकंदरीतच सर्व राजकीय पक्षांनी पुणे लोकसभा मतदारसंघातून,आगामी लोकसभेच्या पार्श्वभूमीवर लोकसभेच्या निवडणुकीच्या रिंगणात,उमेदवार उभे करण्यासंबंधी आजमावणी सुरू केलेली आहे.
