जनप्रतिसाद न्यूज नेटवर्क.
(अनिल जोशी)
मराठा समाजाच्या आरक्षणाच्या मागणीसाठी अंतरवाली सराटी येथून मुंबईकडे निघालेली मनोज जरांगे पाटील यांची भव्य पदयात्रा,आज चौथ्या दिवशी पुण्यात दाखल झाली आहे. महाराष्ट्र राज्यातील विविध ठिकाणच्या कानाकोपऱ्यातून आलेले मराठा समाजाचे कार्यकर्ते या पदयात्रेत मोठ्या संख्येने दिसत असून,पदयात्रेच्या मार्गावर मराठा समाजाच्या आरक्षणाच्या मागणीसाठी आंदोलन करणारे मनोज जरांगे पाटील यांचे सर्वत्र भव्य दिव्य स्वागत होत असून,मोठ्या प्रमाणावर पदयात्रेस प्रतिसाद मिळत आहे.
मराठा समाजाच्या आरक्षणाच्या मागणीसाठी निघालेली पदयात्रा ही गुरुवारी पिंपरी चिंचवड मध्ये येत असून,मराठा समाजाच्या वतीने पिंपरी चिंचवड मध्ये पदयात्रेच्या मार्गावर, विविध ठिकाणी उस्फूर्त स्वागताची व्यवस्था केली आहे.
दरम्यान पुणे जिल्हा प्रशासनाने वाहतूक सुलभ होण्याच्या दृष्टीने काही पदयात्रेच्या मार्ग दरम्यानची वाहतूक,अन्यत्र मार्गाने वळवून बदल केला आहे. आज मनोज जरांगे पाटील यांची मराठा समाजाच्या आरक्षणाच्या मागणीसाठी निघालेली पदयात्रा सकाळी सांगवी फाटा येथून लोणावळा मुक्कामी जाणार आहे.तेथे त्यांच्या जेवणाच्या व्यवस्थेसह सर्व सोयींनी सुसज्ज अशी करण्यात आली आहे.
दरम्यान आकुर्डी येथे विविध ठिकाणच्या स्मृतीस्थळास मनोज जरांगे पाटील हे अभिवादन करणार असून,निगडी येथे सुद्धा छत्रपती शिवाजी महाराज,संत तुकाराम महाराजांना अभिवादन करून,पदयात्रा आज लोणावळा या मुक्कामाच्या ठिकाणी जाईल असे वृत्त आहे.एकंदरीतच राज्यातील मराठा समाजाचे कार्यकर्ते व बांधव लक्षणीय संख्येने मनोज जरांगे पाटील यांच्या पदयात्रेत उपस्थित असून, ही पदयात्रा लक्षवेधी ठरत असल्याचे दिसून येत आहे.
